luang prabang

Miar goend mora witer. Do as paar idrueck vu luang prabang, ehemoliga koenigssitz und hauptstadt vu laos und UNESCO-weltkulturerbe.

chiang rai - chiang khong - luang prabang

Uesers thai visum lauft langsam ab. Fuer da februar hemer as vietnam visum. Miar hend ues entschieda ufem landweg ueber laos uf vietnam z reisa. Isch alles recht ufem touripfad soell aber trotzdem lohnend si... 
Vu chiang mai simer mim touri bus uf chiang rai, den witer im ueberfuellta klepperbus uf chiang kong. Det ueber d grenza und den mim boot 2 taeg ufem mekong uf luang prabang aba. Drzwuesched immer no chli mim tuk tuk, dia mueand jo au no oepis verdiana....

Vorallem d bootsfahrt isch gmueatlich und durch idruecklichi landschaft (wald, wald, wald und ab und zua a paar bambushuetta) gsi. Do as paar foetali

Bir alegestell. Mit so ama boot gots dr fluss aba

Fischer ufem mekong

In laos drinkt ma lao beer...

D asag isch klar. Isch aber wuerkli guat gsi :-)

Gmueatlich und romantisch - aber au as narra puff uf dem schiff. Voellig ueberfuellt, dia wo nit gnuag fruea det gsi sind, hend koenna luaga wos hockend. Isch aber lustig gsi.

Chaos bis jeda wieder sis gepaeck het

 Mit hunger simer den ufem markt in luang prabang akuh...

chiang mai, doi suthep

As paar ruhetaeg sind dringend noetig worda. Thai massage, tempelbesichtigung, mim moped umaduesa, nachtmarkt. In chiang mai wuerds eim nit langwilig. Zwar alles recht touristisch, muas aber au ab und zua si....

Im garta vum koeniglicha palast

In soazza hemer dr farn imer usgrissa, do hends an farngarta.

Ufem markt in chiang mai

Schlussendlich hemer no uesers klettermaterial erneuara mueasa (loecher in da schua, seil duri und ds gschtaeltli het noch ma monat strandklettara rost agsetzt). Isch do glaub oepa dr einzig kletterlada vu ganz asia gsi. Si hend freud kha an ues...

chiang mai, crazy horse

Miar sind 4 taeg bim klettergebiat ima homestay gsi. Hend det chli z ruhiga landleba und dr geniali fels gnossa....

Abzwieger ins klettergebiat, alles super agschrieba

 Ufem weg ins gebiat. Dae ganz berg isch do quasi heilig. Inara riesahoeli zmitzt im gebiat heis as hoor vum buda! Jetz isch dia hoeli wallfahrtsort und gfuellt mit buda und andara statua. Recht idruecklich zum aluaga.

Das isch au inara hoeli. Do hets aber nu kletterrouta. Mehrseillaengina, 90m hoch!

Perfekti felsa...

chiang mai

In chiang mai hemer zersch mol a kulturtag gmacht. Tempel hets do a jedem eck. Do hemer schu amol as paar abklappara mueasa. Viel gold, buddas, moench und au viel touris. Isch im moment saison und dia stadt isch gfuellt. Het den au extrem viel restaurants, bars, hostels und so. Us einara bar hemer sogar schwiezer laendlermusik ghoert. Miar sind den schnell witergloffa. Dr nachtmarkt isch au no interesant. Tusigi staend mit allem moeglicha zum verkaufa und wia dr nama seit ir nacht...
Do as paar foetali vu chiang mai...

Gester hemer den mol dr kletterbus gnu und sind uf crazy horse, zklettergebiat do, go klettara. Isch an super schoens gebiat, ima bambuswald und zerfressenem fels mit a hufa loecher, sinter und hoela. Mora goemer den fuer as paar taeg ufa in as "homestay" nebem gebiat. So ersparemer ues dia 45min fahrt im klapperbus.

koh yao noi zum zweita

Miar hend huet uesa letscht klettertag in suedthailand kha. Mora gots mir faehra uf krabi und den per flugi nordwaerts uf chiang mai. Drum gits do nomol as paar foetali vum klettara uf koh yao noi.

Per longboat ins klettergebiat...

Super fels in spezieller umgebig. Nur per boot erreichbar.

Dae isch ues huet ufem haiweg vum klettergebiat ueber da weg gloffa. Isch am fall oepa 1.5m gross!

D linda (versteckt oba links) inara sehr abenteuerliche sinterrouta

Dr sektor the mitt. Dr fels isch unglaublich genial. 30m hoch, zimli ueberhaengend und extrem versinteret. 

An das inselleba koent ma sich gwoehna :-)

michaels erste 7c :-)

Kanutrip

Huet simmer mim Kanu unterwaegs xi und haend d Felsa vom Meer us bewunderet... Miar haend as paar ainsami Straend gfunda, wo ma super baedsla und rilaexa koenna het.