Chengdu, Giant Pandas

No öpis für achli jöööh....

Litang - Kangding

Miar hend as paar abetürlichi busfahrta über unendlich hochi päss hinter üs. 

Litang, uf 4000müM in tibetischem grassland

Z ziel wär klar, dä spitzig hofentlich 5000er im hintergrund. Leider hemers den nit amol über da fluss drvor gschafft :-)

Isch doch no astrengend in dera höhi...

Drülla und beta bis einem trümlig wird

Kangding ligt den wieder im tal duna. Wunderschön wia d chinesa dia stadt do heraklöpft hend ;-)

An echta fuasballfan bringt au das chinesisch nit drus... z zeicha fürd schwitz wüssemer afang

Uf heiliga pfad zuma tempel oberhalb kangding

Kawa Karpo

Miar hend d umrundig vum kawa karpo ar grenza zu tibet gmacht. Unter tibeter gilt dä berg als speziell heilig und d umrundig söll bi alna möglicha gebrecha helfa (au binara kinderlosa ehe isch üs versicheret worda).

Miar hend a hufa idrücklichi landschafta durchwanderet und a tüfa iblick in dia tibetisch kultur gwunna.

Gstartet simmer dunna am mekong, denn isch zersch mol as paar stund ufwärts...

Ufem pass würd ma denn immer farbafroh empfanga

 

D hütta sind do eher eifach usgstattet. Üseri erschti "unterkunft".

Eigentlich macht ma dia umrundig jo immer im urzeigersinn. Do hemer trotzdem gegaverkehr kha.

Zmittag kocha inara alphütta. Dank tibetischem füahrer simmer immer wieder bi da iheimischa iglada worda.

Überall isches am blüha. Das isch uf öpa 4000müM

Z wetter isch teilwies den au recht garstig gsi. Üsara "höhepunkt" am 2. Tag uf öpa 4600müM (d höha-agaba variarend do recht)

Üseri 2. Unterkunft. Knapp unterem pass hemer bi iheimischa arbeiter übernachtet. 

Z wetter het den doch no besseret. Ufem abaweg zum erschta tibetischa dörfli uf üsem weg.

Farbigi hüser...

... malerischi dörfli...

... as gmüatlichs leba in da tibetischa berga.

Üseri unterkunft für dia nacht binara familia dahai.

So a dachterassa isch super. Spöter simmer den im dorf di attraktion gsi. Am obed tröfft sich jung und alt vorem dorflädali. Im moment sind alli fraua in da berga am pilzla gsi (d fraua findendi dia besser). Ai männerwirtschaft im dorf, d kinder no dreckiger als susch schu...

So mystischi wälder hets immer wieder kha

As chinesisches pärli, dia einziga touris wo mr atroffa hend, het sich üs den au no agschlossa.

Nomol a flussüberquerig bevors den uf da letschti pass uf 4800müM ufa isch.

An langa abstieg wieder aba zum mekong hets denn no gä...

Dr Kawa Karpo selber isch leider immer vu wolka verhüllt gsi und miar hend na nia z gsicht kriagt. Aber schöni berga hemer jo au dahai schu a hufa gseh :-)

Dr pünktlet weg isch dia rundi wo mr gmacht hend. Zwüscheddura wos a stross kha hend hemer no chli mit auto bschissa.

Shangri-la, Ganden Songtsenling

Das kloster isch bi witem z gröschta do umanand und ais vu da wichtigsta im tibetischa budhismus.

Für üs isches quasi a aklimatisationstour gsi dia stega ufa. Mora startemer zema mit ma iheimischa guide uf d "kawa karpo kora". Dia 12tägig umrundig vum kawa karpo. Drum würds jetz 2 wucha lang kai posts gä...

Si hemer bir umrundig vum kloster atroffa. Ima erstunlicha tempo sinds unterwegs gsi. Do im schatta am usruaba und tratscha.

Shangri-la (Zhongdian)

Miar sind definitiv im himalaya akhu. Uf 3300müm in shangri-la (zhongdian isch umbenennt worda zum dr tourismus akurbla, und as het funktioniart. Drfür hends us ma chlina bergdörfli innherhalb weniga johr a übli chinesischi stadt gmacht)

Wias dr zuafall will hends grad as dreitägigs pferderenna do. Das simmer natürli go luaga.

Z ziel isch möglichscht viel bänder ufzlesa. (Und er isch den au würkli wieder ufa khu.)

Leider nit troffa

Nur zu gera hetends no an europäer gha wo do mitmacht. Mit händ und füass hani mi müassa wehra...