Pang - tsomoriri trek

Miar hend a kurzes (5 täg), dafür hochs (meistens über 5000, bis 5830müm) trekking vu pang uf korzog am tsomoriri gmacht...

Vu pang us isches zersch mol flach dem tal no hindara.

Usser a hufa yaks hemer niamert atroffa. Dr üblich trek got an andara weg und miedet dr hochi pass.

Zmorga in üserem "basecamp" uf öpa 5200müm

Jawohl! Gschafft!

 Dr kyama la isch mit 5830müm üsara bisher höchschti pass.

Das isch fasch wia usem flugi. Vum pass us het ma no uf an "klina" 6000er könna...

Vor dera sunna do kama sich nit gnuag schütza :-)

Uf dr hochebani richtig tsomoriri.

"Do simmer im fall immerno uf 5200! Gots denn do niana a chli witer aba?"

A...kalt isches do gsi! Im hintergrund dr kyama la und rechts dr unbenannti 6000er.

D campingplätzli sind aber immer unglaublich gsi. 

Akuh am tsomoriri

Ladakh zanskar trek, alchi -photogsar- zangla - padum

Üsari gebetsfahna hemer schu ufem erschta pass ufghängt.

 Per gröllhalda vu 5 uf 4000müm in weniga minuta - was will ma meh

Alli farba im tal vu sumdo chengmo

Schatta isch rar gsät gsi, dä do isch drfür bsunders guat duftend gsi.

Camping mit usicht

Zwüsched sumdo und photogsar hemer a varianta durch das wunderschöna tal gmacht. 

Photogsar, wunderschön und extrem abglega

Si het den gluagt, dass mr det au öpis zessa kriagend

Homestay in nyerog. Det hemer grad a ruhetag gmacht und üs wieder uffuatara loh.

Wiederamol as wunderschöns campingplätzli in sicht. Zwüsched nyerog und zangla

Ladakh zanskar trek, padum - phuktal - markha - leh

Ufem weg richtig phuktal

Ds idrücklicha und malrrischa phuktal im obedliacht. Miar hend do im guesthouse grad a ruhetag igleit, so hemer au gnuag zit gha zum das kloster z besichtiga.

40 jungi möncha hends do. Entsprechend isches den au zua und her ganga, do bim zmorga.

Abwasch mit ussicht. Ds dreckwasser isch den au eifach zum fenster usa. D vögel müand schliasslich au öpis ha.

Dr gotunda la, nit üsa höchschti aber sicher dr astrengsti pass. Zwei päss grad nochanand, öpa 2000hm, a riesa traversa uf 5000müm und immerno food für öpa a wucha im rucksack. Miar sind a dem tag öpa 9h unterwegs gsi und recht kaput akuh.

Eigentli hets lut karta eifach am fluss no sölla. Miar hend aber au uf da eifacha etappa immer gnuag höhi gmacht. Drfür sind d ussichta immer wieder genial gsi.

Quasi as gsegnets camping in satok, ama verlassana dörfli wit weg vu jeglicher zivilisation

Kocha ufem für macht spass und spart kerosene.

Dr marang la, mit 5300müm üsa höchschti pass, isch wit hinna schu sichtbar.

Ufem marang la. Miar sind so lang doba ir suna glega bis dr adler khu isch go luaga ob das echt öpis z fressa wär.

Wiederamol as grandioses und menschaleers tal nochem pass

Zitawies isches fasch a kneipp-tour gsi. So machend d flussüberqueriga aber spass.

Andari hend do meh gepäck als miar drbi kha. Uf 2 trecker kömend öpa 6 esel, 2 eselstriber, an koch und an guide. Öpa wia hannibal über d alpa ;-)

Im ufstieg zum stock la, üserem letschta pass.

Leh in sicht

Ladakh zanskar trekking

Wir sind wieder in leh. Unser trekking konnten wir wie geplant durchziehen. 4 wochen waren wir unterwegs. Etwa ein duzend pässe, alle um die 5000müm. Ebenso viele täler, eines schöner als das andere. Unsere erwartungen wurden mehr als übertroffen. Unsere route war alchi, sumdo chengmo, hinju, sumdo, photogsar, nyerog, zangla, padum, phuktal, gotunda la, marang la, dat, markha valley, stok, leh.

Meistens waren wir fern ab von zivilisation. Die üblichen trekking routen haben wir wo möglich gemieden. So haben wir oftmals tagelang kein mensch angetroffen. In den dörfern wurden wir dann dafür umso herzlicher aufgenommen und bewirtet.

Nun geniessenwir in leh mal wieder die segen der zivilisation und planen schon am nächsten trekking. Sobald wir ein einigermassen anständiges internet haben werden wir noch einige fotos hochladen...

Zwei pläuschler unterwegs - Teatime wit weg vu jeglicher zivilisation