Wieder in hampi

Wills so schön isch nomol as paar fötali vu hampi

Madurai

Madurai isch bekannt für da meenakshi tempel. Eina vu da schönschta und dr höchschti hindu tempel in india.

Für üs isches dia letschti gmeinsami station. D linda macht do für an monet an yoga kurs. Dr michael got nomol zrug uf hampi. Us 2 uf reisa würd für da moment 1+1 uf reisa...

Eina vu dena rich verziarta türm.

Schlanga vor em tempel. As het aifach z viel lüt in dem land;-)

Wegam pongal festival gots bsunders hektisch zu und her...

Während pongal, a art erntedankfest, werden d küa bsunders geehrt. Sie xend us, als obs stolz sind uf iari agmolta hörner und verziariga.

Si lot jeda slackliner alt usgseh.

Munnar

Miar sind wiederamol a chli in da berga. In munnar, uf 1400müm würd vorallem tee apflanzt. Wia an tepich wachsend do tausendi teebäum über dia hügel und gebend dr landschaft an ganza a bsundara reiz.

Dr tee würd vorallem vu fraua gerntet. Dia hegend as bessers gfühl derfür. Miar hend aber gwerweist, dass es da männer eifach z streng isch.

Kömmemer mit umawandara um as eck und hend a ganzi horda wildi elefanta vor üs. Dia hend schinbar au gera tee.

Uf elefanta beobachtigsposta. I dem wäldli sinds verschwunda. Unglaublich dass sich det dina 6 elefanta könt verstecka. Wenn nit ab und zua an baum umkracht wär, hetti mas nit glaubt.

Kochi, Backwaters

Dia fischernetz sind das wohrzeicha vu kochi. Öpa z sechsta lönds dia ins wasser und holend si noch as paar minuta wieder ufa. Extrem effizient hets üs aber nit dunkt.

D backwaters sind in kerala die attraktion. Miar sind anstatt mit ma grossa husboot nu mit ma chlina ruaderboot ganga. So simmer au durch dia klina kanäl ku. Wasser, dschungel, risfelder und überall klini dörfli...

Gokarna, Udupi

Für dia vu eu wo dahai hockend und jetz schu gnuag vu winter hend as paar strandbildli.

Gokarna, kudle beach

Malpe beach

Dass ma in india nur selta sini rua het verstoht sich vu selber. D küa sind do no dia gmüatlichschta störefrieda. Dia do isch richtig intelektuell überakhu.

Im moment isch halt au in india feriazit. Und udupi isch au no a walfahrtsort für d hindus. Drum isch den hüfig au am strand ds üblicha indischa chaos gsi.

Happy New Year

Miar wünschend as guats neus johr