Calanques

Ufem "Haiweg" durch frankrich hemer no as paar zwüschastops igleit. Gorges du tarn und venasque het üs vorallem durch cooli felsa überzoga. In da calanques hemer denn meh dr strand gnossa.

Do as paar fötali us dr calanques...

Collegats

Miar sind no in as paar andari gebiat gsi. Aber collegats het üs am beschta gfalla und miar sind fasch a wucha do gsi.

Campingplätzli wiederamol mit ussicht

Bim zmorga (uf üsem recht guat glegna campingplätzli) sind plötzlich d geier verbikhu. Mindestens öpa 200 und jeda um di 2m spannwiti. As isch schu fasch gfürchig gsi.

Parc national d'Aigüestortes

Wega akuter überkletterig hemmer as paar ruhe-wander-täg in da pyrenäe, im nationalpark Aigüestortes gmacht. Das isch üs denn schu gar nüm spanisch, eher wia dahai vorkhu. Schnee ab öpa 2200 und denn gar nüm summerlich warm. Dia nägschta ruhetäg gits den glaub wieder am meer.