Istanbul

So nochem Motto "Wer billig reist gseht meh" hemmer ufem Haiweg no a Zwüschastopp in Istanbul iglait.

Dia Blau Mosche

 A ägyptischa Obelisk, über 3000 Johr alt und stoht immerno.

Hagia Sophia. Zersch Kircha, denn Mosche jetz Museum.

Ais vu viela sötiga Zimmer im Sultanspalast

Nu dia beschta Sacha.

Schnell no uf Asia übara...

City of Rocks - Los Angeles

Miar sind inara Wucha, mit einigem Sightseeing und as paar Pausa vu Idaho zrug uf LA gfahra. Üsara Mr. Brown het nomol super mitgmacht und isch trotz hochsummerlicha Temperatura und endlosa Distanza gfahra wia am Schnüarli. Dr Foti-Akku het drfür zwüscheddina schlapp gmacht. Vur Wanderig und super Camping am Sonorapass gits drum zum Bispiel kai Fötali...

Campingplatz kurz vor San Francisco

Ar Küsta zwüsched San Francisco und LA (Noch wuchalangem schönem Wetter, kum am Meer isch alles grau in grau. Typisch San Francisco halt.)

Seehünd

Pelikän

Seeelefanta

Mit dena hetemer au nit grechnet. Aber a Horda Zebras hemer au no atroffa.

Wia richtig...

City of Rocks

Super Granitkletterei, super Camping und eimolig schöni Natur. Miar sind vor fasch 10 Johr schu mol do gsi und as isch immerno ais vu üsarna Liablingsgebiat.

Das isch doch as Campingplätzli!

D Linda am abhoka vu da "Must do-Classic-Crack-Climbs" vu City of Rocks.

  

Dr Michael zücht Sportklettara (mit Höka und Griff, ohni Riss) vor.

Uinta Mountains

In da Uinta Mountains, bi Salt Lake City, gits a hufa z Wandara und as paar super Kletterfelsa in anara Bilderbuachlandschaft und bi agehma Temperatura.

Lander bis Uinta Mountains

Miar machend üs langsam wieder uf da Weg richtig LA...

Wildi Mustangs! Vu dena hets do in dena stepa schinbar zviel. Drum fangends dia i und verkaufends si. Ab öpa 150 Stutz bisch derbi.

Zungäst am Strossarand

Lander

Lander isch as Kletterparadis am Fuass vu da Tetons. Miar sind über a Wucha in "Wild Iris" (ais vu vilna Klettergebiat bi Lander) gsi. Agnehmi Temperatura, super Felsa und gratis Camping grad bim Fels machends do zum perfekte Summer Klettergebiat.

1. August, Lander

As richtigs 1. August-Für muas si :-)

Bighorn Mountains, Ten Sleep

Kletterfötali hemer vu do kaini. Do aber amol öpis zum Thema "Was machender den an da Ruhetäg". Miar spielend jetz Golf (nebed am umahänga ir Hängematta)  :-)

Ups...

Devils Tower zum zweita

Miar hend ufem Duraweg nomol an perfekta Riss kletteret...

Si het üs zersch mol halb z tot erschreckt, bevor si den unter de Stei gflocha isch. Zum Glück isch si nit hungrig gsi, susch gäbts jetz kai Michael meh :-)

Black Hills, Spearfish Canyon

D Black Hills erinnerend am ehschta an Schwarzwald. D Kalk-Felsa im Spearfish Canyon hend all üseri Erwartiga übertroffa und könd locker mit da grossa euripäischa Gebiat mithalta...

Dr Istig wär den eifach 4-5m höher

Au im Kalk gits super Linia

Gmüatlichi öbig im Wald hemer do a hufa

An typischa Nochbur. Immer ir Hoffnig er kriagi öpis ab.