Moab

Super Kletterfelsa, Arches- und Canyonlands Nationalpark direkt vof dr Hustüra, Schneeberga im Hintergrund. Moab isch würkli "THE Place to be"...

Bryce NP, Escalante National Monument, Grand Staircase NP

Süd-Utah bütet landschaftlich unglaublich viel. Ai Nationalpark am andara, felsa in alna Farba und Forma, verschneiti Berga, grüani und im Moment früahligshaft blüandi Oasa, unendlichi Wälder... Miar gnüssend as paar Ruhetäg mit sightseeing und wandara.

Kolob Canyon, Zion NP

Im Kolob Canyon hemer no as Projekt ob kha. Wer schu mol bi üs dahai gsi isch kennt dä Fels. Isch johrelang in posterform in üserer Kuchi ghanga. Dia erhofft Linia isch leider nass gsi, miar müand nomol khu... :-) Hend Trotzdem zwei super cooli Routa in fantastischer Landschaft könna macha.

Zhinterscht im Canyon wartent 5 fantastischi Sportkletterrouta.

Schnee!?!

... und das Ganza isch im Fall würkli steil! D Linda am Abseila.

Mr. Brown, aka "Bruno"

Meh Bildli vu üsem Van sind gwünscht worda...

Ds Schlofzimmer im obara Stock

Wohnzimmer mit gmüatlichem Kutschi

D "Schlechtwetterkuchi", normalerwis kochemer dussa.

Dr Sitzplatz (isch variabel)

Bilder vur Duschi hemer jetz grad keini. Aber selbstverständlich hemer au a Duschi.

Red Rocks II

D Lista mit da Projekt würd quasi all täg länger. Miar hend selta as gebiat mit so viel möglichkeita und in so schöner Landschaft gseh...

Dia routa het üs an Campino-Zückerli errinert. (Und isch usserdem unglaublich steil gsi)

So machend au Zuastig spass

7 Seillänga vu dem fels!

Was gset us wia a katz und het an gringlata schwanz? A ringtail cat! Er klaut am istig dr proviant vu da kletterer.

D Black Velvet wall. Dr riss isch schu bsetzt gsi, drum simer dur d wand ufa. 6 Seillänga Fingerbeeri- Listli kralla und kniffligi Kletterzüg ustüftla...