Maple Canyon

Klettara in Maple isch noch all dena "Trad" Klettereia a richtigi Erholig. A hufa Höka und Griff und so richtig "benutzerfründlichi" Bewertiga :-)

"Bobbles" sägends dena Dinger do. Konglomeratklettara wia in Spania.

Nevada, Great Bassin Nationalparc

Miar sind ufem Weg vur High Sierra richtig Rocky Mountains ufem Highway 50 (The Loneliest Road) durch Nevada. A hufa Wüasti, Steppi aber au as paar würklichi Berga. Mim Wheeler Peak, im Great Bassin Nationalpark, hemer dr bis jetz höchschti Punkt vu üserem Trip kha (3982müM, öpa 2000m höher als alles ringsum).

Camping mit Hot Spring und das ganza für üs alai :-)

Wheeler Peak

Isch das würkli Salt Lake City det hina? (öpa 300km entfernt)

Übernachtet hemer den wieder chli witer duna, aber au spektakulär ama Salzsee zua.

Lake Tahoe

Lake Tahoe hemmer no in super errinnerig kha für schöni Landschaft und eimoligi Granit Felsa. Klar hemer nomol müassa khu...

Noch Bishop und Yosemite völlig überkletteret, hemmer zersch mol a Tag ir Hängematta verbrocht.

Eina vu unzähliga traumhaft schöna Seeli zmitzt im Wald.

In Lovers Leap"The Line" isch schu vu witem sichtbar. Dia Linia wo wia mim Lineal zoga isch...

"The Line"

In Phantom Spires

Dia letschta Sunnastrahla noch ma verregnata (verhaglata) Tag.

Yosemite

DAS "must do" als Kletterer in Amerika. Miar sind nu grad a wucha do gsi (was eigentlich an witz isch, aber eba...). Hend as paar cooli Routa könna macha und wiederamol versprocha zum sicher wieder zrug z khu...

D ussicht vum "Higher Cathedral Spire" isch gewaltig. 

Am "Middle Cathedral Rock"

"The Nutcracker" an gmüatlicha Klassiker.

Warum au nit gmüatli nä, isch schliasslich nu 5.7 - öpa dia schwierigscht 5.7 wo mr je gmacht hend :-)

D Linda am "El Cap"

As rechts Campfire muass au öpamol si.

Bishop

Bishop het weltklass Boulder- und Klettergebiat. Kletterfötali hemer leider keini, drum do as paar Fötali vu üsem "Ruhetag" bim bouldara.

... ok das isch no z eina Klettergebiat