Bighorn Mountains, Ten Sleep

Kletterfötali hemer vu do kaini. Do aber amol öpis zum Thema "Was machender den an da Ruhetäg". Miar spielend jetz Golf (nebed am umahänga ir Hängematta)  :-)

Ups...

Devils Tower zum zweita

Miar hend ufem Duraweg nomol an perfekta Riss kletteret...

Si het üs zersch mol halb z tot erschreckt, bevor si den unter de Stei gflocha isch. Zum Glück isch si nit hungrig gsi, susch gäbts jetz kai Michael meh :-)

Black Hills, Spearfish Canyon

D Black Hills erinnerend am ehschta an Schwarzwald. D Kalk-Felsa im Spearfish Canyon hend all üseri Erwartiga übertroffa und könd locker mit da grossa euripäischa Gebiat mithalta...

Dr Istig wär den eifach 4-5m höher

Au im Kalk gits super Linia

Gmüatlichi öbig im Wald hemer do a hufa

An typischa Nochbur. Immer ir Hoffnig er kriagi öpis ab.

Devils Tower

An unglaublicha Berg mit super ästetischa Linia/Riss zum Klettara...

Erdmännli sind do au a chli d Attraktion. Zu hunderta spaziarend dia do umanand.

Colorado

A kaputa Fotiapparat und a leera Akku hend üs z Colorado chli vum Fötala abghalta. Drum gits do mol weniger Fötali und me Erlebnisbricht...

Miar sind ir nöchi vum Colorado National Monument khu. Hend det hitzebedingt nit kletteret und sind direkt witer uf Rifle, DAS Sportklettergebiat do. Isch spassig gsi, wiederamol steila Kalk wia mas vu dahai kennt. Supper Routa aber au a hufa Lüt und alles so zimli abgspeckt. Sind denn über d Rocky Mountains uf "Turkey Rock" as klises Gebiat zmitzt im Wald mit (lut füahrer und a hufa ihaimischa) da beschta Riss in Colorado. Üs hets nu halbwegs überzoga (miar sind glaub afang aspruchsvoll) und miar sind bald witer uf Boulder. Eldorado und Bouldercanyon sind ein "must do". DAS "must do" als Kletterer in Colorado isch aber sicher "The Diamond" am Longs Peak 4300müM. A riesigi, senkrechti Granitwand. D "Casual Route" isch der Klassiker do. As isch an langa Tag gsi. Am Morga am 5i simmer im erschta Liacht los gloffa, am obed am 9i simmer im Obedrot wieder bim auto gsi. Miar hend an super Tag verwütscht, nit viel Lüt und kai Gwitter wit und breit (drfür windig un a...kalt). Am nägschta Tag hemer den nüm us dr Hängematta möga. Und derno hemer gfunda, Colorado sei abghokt und sind witer uf Wyoming..


Colorado National Monument

Long Peak, "The Diamond"

... und no chli meh Erlebnisbricht us dr Routa

1: Ds "Istigscully". Het im füahrer recht übel tönt. 5.5 und brüchig - take care und so... Isch aber nit halb so schlimm gsi. Do simmer us da Alpa üblers gwöhnt.

2: 5.6 feels like 5.10 oder was?!? Oder wärs 5 Meter dena doch eifacher gsi? Sind glaub falsch gstartet. Isch aber schön gsi und au ganga.

3: Quer über dia grau Platta (griffig - zum Glück) und ufa durchs Kämi (au griffig - nomol zum Glück :-) )

4: Dia Hammer-Seillängi! Öpa 60m senkrechti Verschnidig mit a hufa Riss. D Linda git Vollgas. D Höchi vu öpa 4000müM macht sich doch au recht bemerkbar. Dr Michael frogt sich derwil ob au schu Sicherer erfrohra sind.

5: "Lindas Squeeze Kämi" D Linda het dia übler Varianta vu Kämi verwütscht. Usem schöna Risssystem würd plötzli a öpa 50cm breita, grifflosa Riss bzw. Kämi. Ufawürga, milimeterwis heits do. An a rucksack gar nit z denka. Absicherig nu wit hina im Kämi. D Linda hets gschafft (miar hend üs gfrogt wias öper macht, wo chli breiter baut isch) und dia eigentlich Schlüsselstell isch derno den richtigi Erholig gsi.

6: Ufs Bändli und links weg. Us dr Wand dusa :-) und uf eifachem Weg uf da Gipfel.