Hue

In hue hemer vorallem an ehrmoliga königspalast und königsgräber besichtigt. Mora gömer wieder zruck uf laos. Dia nägschta paar täg simer den in thakhaek am klettara...

Karta Reiseroute

I han mi wiederamol in minem eigentlicha bruaf güabt und a eifachi karta mit üserer reiserouta zämagstellt. Iar findents doba unter "Reiserouta".

Für dia wo jetz do voller freud umazoomend. Das ding isch nit genau. Miar sind natürlich nit dauernd offroad unterwägs. I han das nur ungefähr izeichnet.

Hoffa aber es git a chli a orientiarigshilf bi a hufa orientalischa und kum ussprechbara ortsnäma.

ninh binh

As gewaltigs potential an kletterfelsa, risfelder, a hufa pagoda und d ruina vurnara ehemoliga hauptstadt vu vietnam...

 

ninh binh - pu luong naturreservat

Dia letschta zwei täg simmer mim töffli vu ninh binh ins pu luong naturreservat und det a chli go wandara. Übernachet hemer det ima homestay. A extrem malerischi landschaft mit u herziga dörfli und übrall risfelder. No so richtig ursprünglich. Und als einzigi tourista wit und breit simmer au überall herzlich begrüasst worda.

As "trecking" durch risfelder

Mit dena wasserräder wird z wasser ufd felder transportiart

Miar hends ir jacka küahl gfunda. Si sind do barfuass knütüf im wasser am ris planza...

 Üsers homestay

As malerisches bächli direkt vor dr hustür

D linda (immer wieder a foti wert, mit viatnamesischem töfhelm) ufem rückweg zmitz ima ananasfeld. 

cat ba island - halong bay

Hüt hemer a bootstur mit ma kurza abstecher mim kanu durch d halong bay gmacht. Chli neblig und kalt isches gsi. Aber trotzdem a idrücklichi landschaft.

"Do kunt eina entgega, muasi dem uswicha?"

Das isch also schu as richtigs schiff gsi, wo si do gstüret het.

Cat-ba-langura! Dia herziga äffli gits nur do im nationalpark det und au det nu no öpa 100 stuck drvo. Miar hend vum kanu us a ganzi meuti gsichtet.

A spezielli art z leba. As schwimmends fischerdorf.

cat ba - butterfly valley

An wunderschös tal zmitz uf cat ba island. Chli wia bi üs. Dr fels kunt zwar nit ganz an südostasiatisch standart hera. Miar hends aber trotzdem gnossa wiederamol fels in da hend z ha.

hanoi

Mora goemer witer richtig halong bay. Do as paar idrueck usem hektischa hanoi

Ufama toefli kama alles transportiara. Bis zu 5 persona inklusive gepaeck hemer schu uf gseh...

 Do isch dr chef usgstellt

Normalerwies sinds eher dia iheimischa fraua wo so uf dr stross ihres zueg verkaufend

perfume pagoda

Eigentlich isch das a pilgerreis fuer d vitnamesa, uslaendischi touris verrirend sich selta det hera. Miar sind vorgwarnt gsi. As isch an spannnda und lustiga tag worda. As extrems puff, ds churer stadtfest isch an scheiss dergega...

Zersch gots mim ruaderboetli a stund dr fluss aba. As koeng also sch vorku dass dr fluss vor luter boetli verstopfi...

Miar sind immer wieder gera vegetarier

hanoi

Dr adrenalinkick bim strossa ueberquera anstatt bim klettara..

(Und das isch am suntig morga mit eigentlich wenig verkehr)

sapa

As paar bilder vu sapa. Fasch wia bi ues eifach mit risfelder...
Huet obed goemmer den mim nachtbus uf hanoi. 

 

muang khua - dien bien phu - sapa

Womer in muang khua as busticket uf vietnam hend wela loesa, simer quasi usglacht worda. In vietnam laufi fuer dia naegschta 5 taeg nut - wega neujohr. Dae bus fahri nit. Dass neujohr isch hemmer gwuesst, dass das aber so lang got nit. Miar hend den mit andara wo steckabliba sind a privats buesli ueber d grenza uf dien bien phu (vorallem bekannt wil det d viatnamesa d franzosa usagschmissa hend) organisiart. Das ganza isch nit so eifach gsi, wil i dem kaff quasi niamert englisch het koenna und bis am schluss nit sicher gsi isch ob vilicht nit doch no an bus fahrt...

Miar sind den guat ueber d grenza khu. Do isch z puff aber witerganga. Eigentlich erwartigsgemaess sind ali am feschta, familia am bsuacha und niamert wil schaffa. Busticket organisiara isch schwierig bis unmoeglich. D busfahrer fahrend nu grad wens luscht und gnuag gaescht zema hend uf eigni rechnig. Englisch kann wiederamol niamert. Miar schaffends as buesli mit a hufa iheimischa zaema z entara und koemnd schlussendlich guat uf sapa. Quasi z grindelwald vu suedostasia - mit doppelt soviel asiata. Aber in grandioser landschaft, mit richtiga 3000er. Und miar hend wiederamol as richtigs edels hotelzimmer verwuetscht...

 D restaurantszena in dien bien phu isch nit so gewaltig gsi. Dia alt frau wo uesi bstellig ufgnu het het nur zeichasproch verstanda. Wo i dr kolleg wo mit ues unterwegs gsi isch gfrog han ob er sich bewusst sei, dass er jetz grad ".. chien .." bstellt hei isches lustig worda. Mit wuff wuff und kopfschuetla het er dr arma frau versuacht z klar macha was er nit will. Miar als vegie hend ues kaputglacht. Was er schlussendlich kriagt het isch unklar gsi...