Miar hend schu zimli bald gnuag stadt kha und sind uf salento ir kafiregion usa gfahra. Salento isch zwar zimli touristisch - vorallem am wuchaend isches gfüllt mit kolumbianischa usflügler - aber au malerisch schön. A hufa grüan, kafiplantaga, wachspalma und dia typischa farbiga hüsli. Halt wia ma sich Kolumbia so vorstellt. A paar würklich hochi berga hets do au no im hintergrund, aber dia überlönt mr dasmol da andara.
Öpa 40 verschidani kolibri arta söllends do in salento ha.
D Wachspalma isch dr Nationalbaum vu Kolumbia, wachst nur do in Kolumbia, würd bis 50m hoch und 500 Johr alt.
Kafi wo würkli, würkli guat schmeckt. Kafiblüata schmöckend noch Jasmin!
Am kafi lesa, just for show :-)
Mit dem ding macht er würkli kafi.
Üsers aktuella dahai. Do kama so richtig Feria macha und miar hend jetz grad nomol für as paar Tag verlängert :-)
D Linda het a neua verehrer. Dr Lorenzo isch a richtiga macho. Mit männer kann er nit viel afanga. Bi hübscha Fraua würd er aber richtig ahänglich. A hufa schnorra kann er au, wenn ihm drno isch. So schreit er schu mol luthals um hilf, nu zum a chli ufmerksamkeit z kriaga.
